KARIBU MAMLAKA YA MAJISAFI NA USAFI WA MAZINGIRA MBEYA
Mamlaka ya Majisafi na Usafi wa Mazingira Jiji la Mbeya (Mbeya WSSA) ipo katika Jiji la Mbeya ikiwa na jukumu kuu la kutoa huduma ya majisafi na uondoaji wa majitaka katika Jiji la Mbeya. Mamlaka ilianzishwa mwaka 1998 kwa Sheria Na. 8 ya 'Water Works Act Cap 272' ya mwaka 1997, iliyofanyiwa marekebisho na Sheria Na.12 ya Maji na Usafi wa Mazingira ya mwaka 2009.
Mamlaka ya Majisafi na Usafi wa Mazingira Jiji la Mbeya ipo katika daraja A. Hii ikimaanisha kuwa ina wajibu wa kugharamia shughuli zote za uendeshaji na matengenezo, kulipa mishahara ya watumishi wake na pia kuchangia kwenye miradi ya uboreshaji na upanuzi wa mitandao ya Majisafi na Usafi wa Mazingira.
DIRA (VISION)Kuwa Mamlaka Bora katika kutoa huduma endelevu za Majisafi na Usafi wa Mazingira Nchini Tanzania.
DHIMA (MISSION)Kutoa huduma bora na endelevu za majisafi na usafi wa mazingira zinazokidhi vigezo vya kitaifa na kimataifa kwa bei nafuu.
KAULIMBIU (SLOGAN)'Maji ni Uhai'
MISINGI YA UTENDAJI (CORE VALUES)
- Wateja Kwanza
- Watumishi ni Rasilimali namba moja ya Mamlaka
- Kuwajibika kwa jamii inayotuzunguka
- Nidhamu katika matumizi ya Fedha
- Watumishi kufanyakazi kwa pamoja na kujituma.
- Wafanyakazi kuhimizwa kujifunza na kubadilishana maarifa.
MKURUGENZI MTENDAJI
CPA. Gilbert Kayange
KURIPOTI MIVUJO NA WIZI WA MAJI
Ili kuripot mvujo wa maji (Mfano: bomba kupasuka n.k), kuripoti wizi wa maji au uharibifu wowote wa miundombinu ya maji, tafadhali piga simu ya Ofisi namba: 0800110088 bure au kupitia mtandao kwa kubonyeza hapa.
Habari Mpya
Bili za Maji kwa mwezi Februari, 2021 zimetoka. Bili zote zimeshatumwa kwa njia ya SMS. Unakumbushwa kulipa kwa wakati. Unaweza angalia bili yako kwa kubonyeza bili mpya hapo juu
Mamlaka ya Majisafi na Usafi wa Mazingira Mbeya inautangazia umma kuwa, itatoa donge nono kwa mwananchi yeyote atakaye saidia kuonyesha wizi wa maji, au uharibifu wa miundombinu ya Maji. Kwa maelezo zaidi fika ofisini au piga namba ya bure: 0800110088
Malipo yote yanayolipwa kwenda Mamlaka ya Maji yalipwe kwa njia ya mitandao ya simu au wakala wa benki kwa kutumia namba maaalumu za malipo (Control Number) kwa huduma husika. Usimkabidhi mtu yoyote fedha mkononi.
Matukio Kwa Picha
Mradi wa Maji Mbalizi
Mamlaka imekamilisha mradi mkubwa wa maji kutoka Shongo - Mbalizi - Songwe
Chanzo Cha Maji Isongole
Chanzo cha Maji katika Mradi wa Maji Isongole
Kuongea na Watumishi
Mh. Mkuu wa Mkoa wa Mbeya akiongea na watumishi alipotembelea ofisi za Mamlaka